Пятровіч (1810—23.11.1856)

Эканаміст, статыстык. Паходзіў з дробных дваран Магілёўскай губ. У 1829 скончыў Пецярбургскі кадэцкі корпус. 3 1831 працаваў у камісіі М.М.Спяранскага па складанні збору законаў Расійскай імперыі. 3 1845 у Кіеве на статыстычнай рабоце. Заснавальнік крытычнага метаду ў статыстыцы. Стварыў сістэму статыстычных паказальнікаў i метадаў вывучэння з'яў грамадства i прыроды, склаў праграму вывучэння прадукцыйных сіл Расіі. Аўтар статыстычных даследаванняў, якія фактычна выкрывалі прыгонны лад i аб'ектыўна садзейнічалі яго скасаванню. У пытаннях палітэканоміі набліжаўся да разумения тэорыі працоўнай i прыбавачнай вартасці. Прычыну ўсіх бедстваў народа бачыў у існаваўшых вытворчых адносінах, у размеркаванні прыватнай уласнасці па класах, адкуль вынікала, што галоўным тормазам развіцця прадукцый­ных сіл Расіі з'яўляецца прыгоннае права. Асноўнае прызначэнне ўсёй эканамічнай навукі бачыў у забеспячэнні росту народнага дабрабыту. Прагрэсіўныя палітэканамічныя ідэі Ж, абумовілі правільны метадалагічны падыход да статыстычных даследаванняў, а яго статыстычныя працы зрабілі велізарны ўплыў на ўсё далейшае развіццё эканамічнай навукі ў Расіі. М.Р.Чарнышэўскі назваў Ж. вялікім рускім эканамістам.

Тв.: Об источниках и употреблении ста­тистических сведений. М., 1946.

Літ.: Б у с ь к о В.Н. Экономическая мысль Белоруссии середины XIX — нача­ла XX в.: Очерки. Мн., 1990.